९ सय ११ जना संक्रमित थपिए, १३ जनाको ज्यान गयो

✍️ नयाँपुस्ता डटकम २७ भाद्र २०७८, आईतवार १६:४३

काठमाडौँ । पछिल्लो २४ घण्टामा नेपालमा ९११ जनामा कोरोनाभाइरसको संक्रमण पुष्टि भएको छ।

११ हजार १८ जनाको कोराना परीक्षण गर्दा पीसीआर विधिबाट ८३८ र एन्टिजेन विधिबाट ७३ जनामा कोरोनाभाइरसको संक्रमण पुष्टि भएको हो।

हालसम्म नेपालमा पीसीआर विधिबाट ७ लाख ७७ हजार १६३ जना र एन्टिजेन विधिबाट ८६ हजार ६९४ जनामा संक्रमण पुष्टि भइसकेको छ। यही अवधिमा १४२३ जना निको भएका छन् भने १३ जनाको मृत्यु भएको छ।

शनिबार देशभर ९ सय ९४ जनामा कोभिड–१९ संक्रमण भएको थियो । ९ हजार ८ सय ४० जनामा गरिएको परीक्षणमा ९ सय ९४ जनामा संक्रमण देखिएको थियो ।

काठमाडौं उपत्यकामा ३ सय ५७ जना संक्रमित थपिएका थिए भने शनिबार नै २४ घण्टामा कोभिड संक्रमणबाट १२ जनाको मृत्यु भएको थियो ।