‘चन्द्रागिरी हिरो अफ दि इयर २०२०’ बाट समाजसेवी प्रधान सम्मानित

काठमाडौँ । समाजसेवी देवेन्द्र प्रधान ‘चन्द्रागिरी हिरो अफ दि इयर २०२०’ बाट सम्मानित भएका छन् ।

विशेषगरी चन्द्रागिरी नगरक्षेत्रका समाजिक काममा उल्लेखनीय योगदान पुर्याएबापत उहाँलाई सम्मान अर्पण गरिएको हो।

Advertisement

क्रेटर्स ग्रुपद्वारा सोमबार चन्द्रागिरी हिल्समा आयोजित कार्यक्रममा मन्त्रिपरिषद्का पूर्व अध्यक्ष खिलराज रेग्मीले प्रधानलाई सम्मान प्रदान गरेका हुन् ।

सम्मानले आफूलाई आउँदो दिनमा समाजसेवामा अझै निरन्तर लाग्ने प्रेरणा मिलेको छ। ‘युवा व्यवसायी समेत रहेका प्रधानले कार्यक्रममा भने।

कार्यक्रममा ‘प्लेयर अफ दि इयर २०२० ’बाट बक्सिङ खेलाडी दीपक महर्जन सम्मानित भएका थिए । पृथ्वी जयन्तीका अवसरमा आयोजित कार्यक्रममा ‘नेशनल क्रेटर्स अवार्ड २०२०’ बाट विभिन्न क्षेत्रमा अतुलनीय योगदान पुर्याएका पाँच व्यक्तित्वलाई सम्मान गरिएको थियो।

यसरी सम्मानित हुनेमा रमेश खरेल, कुलमान घिसिङ, अनुराधा कोइराला, सपना रोक्का मगर र डा. सन्दुक रुइत थिए।