१० उत्कृष्ट निजामती कर्मचारीलाई १ लाखसहित पुरस्कार

✍️ नयाँपुस्ता डटकम २३ भाद्र २०८०, शनिबार ११:४९

काठमाडौं । सरकारले २० औं निजामती सेवा दिवस अवसरमा सरकारले १० जनालाई उत्कृष्ट निजामती सेवा पुरस्कार प्रदान गरेको छ ।

संघीय मामिला मन्त्रालयका उपसचिव कवीन्द्र नेपालसहित उत्कृष्ट १० जनालाई शुक्रबार दिवस मूल समारोह समितिद्वारा आयोजित समारोहमा प्रधानमन्त्री पुष्पकमल दाहाल ‘प्रचण्ड’ ले उनीहरुलाई १ लाखसहित सम्मान गरेका हुन्।

सम्मानित हुनेमा धनकुटा जिल्ला प्रशासन कार्यालयका प्रमुख जिल्ला अधिकारी थानेश्वर गौतम, सहसचिव बुद्धिबहादुर गुरुङ, प्रमुख प्रशासकीय अधिकृत मानबहादुर खड्का, उपसचिव रामप्रसाद लम्साल, राष्ट्रिय तथ्यांक कार्यालय थापाथलीका निर्देशक ढुण्डीराम लामिछाने, मालमोत अधिकृत चन्द्रप्रसाद मिश्र, कम्प्युटर अधिकृत सुनिलकुमार केसी, कोष तथा लेखा नियन्त्रणक कार्यालय मुगुका कोष नियन्त्रक लक्ष्मीकृष्ण हमाल र नायब सुब्बा शुभलक्ष्मी लामा छन् ।

५० हजार राशिको निजामती सेवा पुरस्कार कान्ति बाल अस्पतालका प्रमुख अस्पताल नर्सिङ प्रशासक रोशनी लक्ष्मी तुइतुइ, उपसचिव डा. डमरुबल्लभ पौडेल, उपसचिव चुडाराम सापकोटा, इन्जिनियर किशोर पन्थी र शाखा अधिकृत नवराज तामाङ ब्लोनसहित ३० जना निजामती कर्मचारीलाई प्रदान गरिएको छ ।