पछिल्लो २४ घण्टामा देशभर थपिए ५५७ संक्रमित, ८७७ निको

✍️ नयाँपुस्ता डटकम ७ कार्तिक २०७८, आईतवार १७:४३

काठमाडौं । पछिल्लो २४ घण्टामा देशभर ५५७ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको ७ हजार ६२५ जनाको पीसीआर र एन्टीजेन परीक्षणमा ५५७ जनामा संक्रमण पुष्टि भएको हो।

मन्त्रालयका अनुसार ६ हजार ६१ जनाको पीसीआर परीक्षण गर्दा ५२२ र १ हजार ५६४ जनाको एन्टीजेन परीक्षण गर्दा ३५ जनामा संक्रमण पुष्टि भएको हो।

आज देशभर ८७७ संक्रमित निको भएको मन्त्रालयले जनाएको छ। पछिल्लो २४ घण्टामा ३ जना संक्रमितको मृत्यु भएको छ।

देशभर १० हजार २०१ जना सक्रिय संक्रमित रहेको स्वास्थ्य मन्त्रालयले जनाएको छ। देशभर २२० जना क्वारेन्टाइनमा रहेको स्वास्थ्य मन्त्रालयले जनाएको छ।