पछिल्लो २४ घण्टामा थपिए ६७९ संक्रमित, ७ जनाको ज्यान गयो

काठमाडौं । कोरोना भाइरसका ६ सय ७९ संक्रमित थपिएका छन्। आज (आइतबार) १० हजार ९ सय २० जनाको परीक्षण गर्दा ६ दशमलव २२ प्रतिशतमा संक्रमण देखिएको हो।

तर ७ हजार ७० जनाको पीसीआर परीक्षण गर्दा भने ८.१२ अर्थात् ५ सय ७४ जना संक्रमित पाइएका हुन्।

Advertisement

थपिएकामा काठमाडौंका दुई सय २२, मोरङ्गका ६२, कास्कीका ४६, रुपन्देहीका २५, ललितपुरका २० तथा भक्तपुरका १३ जना हुन्। आइतबार १४ सय ५ जना संक्रमणमुक्त भएका छन् ।

थप ७ जनाको मृत्यु भएको छ। अहिलेसम्म कोरोनाबाट नेपालमा ११ हजार १ सय ६४ जनाको मृत्यु भइसकेको छ।

हाल सक्रिय संक्रमितको संख्या १६ हजार ८ सय ४ रहेको छ। अहिलेसम्म ६३ लाख ५२ हजार ३ सय २२ जनाले कोरोना भाइरसविरुद्धको पूर्ण डोज खोप लगाएका छन् । पहिलो डोज खोप लगाउनेको संख्या ७७ लाख १६ हजार ९ सय ८५ रहेको छ।