नेपालमा थप ४ हजार ३४४ जनामा कोरोना पुष्टि, ८१ जनाको ज्यान गयो

काठमाडौँ । नेपालमा थप ४ हजार ३४४ जनामा कोरोना भाइरसको संक्रमण पुष्टि भएको छ। गत २४ घण्टाको अवधिमा देशका विभिन्न ठाउँमा गरिएको पीसीआर तथा एन्टिजेन परीक्षणका क्रममा बुधबार थप ४ हजार ३४४ जनामा संक्रमण पुष्टि भएको हो।

गत २४ घण्टाको अवधिमा १२ हजार ७४ जनाको आरटी–पीसीआर विधिबाट नमूना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ। पीसीआर परीक्षणका क्रममा ३ हजार ४४९ जनामा संक्रमण पुष्टि भएको हो।

Advertisement

यस्तै, सोही अवधिमा ४ हजार ५६८ जनाको एन्टिजेन परीक्षण गरिएको मन्त्रालयले जानकारी दिएको छ। एन्टिजेन परीक्षणबाट ८९५ जनामा संक्रमण पुष्टि भएको हो।

त्यस्तै पछिल्लो २४ घण्टामा ५ हजार ७६८ जना कोरोना संक्रमित कोरोनामुक्त भएका छन्। यो सँगै नेपालमा कोरोनामुक्त हुनेको संख्या ५ लाख १० हजार २९८ पुगेको छ।

त्यस्तै पछिल्लो २४ घण्टामा थप ८१ जनाको कोरोना संक्रमणबाट ज्यान गएको छ । यो सँगै नेपालमा कोरोनाबाट ज्यान गुमाउनेको संख्या ८ हजार १७९ पुगेको छ।