प्रधानमन्त्री र गृहमन्त्रीले लगाए कोरोनाविरुद्धको खोप

✍️ नयाँपुस्ता डटकम २३ फाल्गुन २०७७, आईतवार ११:५७

काठमाडौँ । प्रधानमन्त्री केपी शर्मा ओली र गृहमन्त्री राम बहादुर थापा (बादल) ले कोरोना भाइरस (कोभिड १९) विरुद्धको खोप लगाएका छन्।

दोस्रो चरणको खोप कार्यक्रमअन्तर्गत प्रधानमन्त्री ओलीले श्रीमती राधिका शाक्यसहित आइतबार बिहान त्रिभूवन विश्वविद्याय शिक्षण अस्पताल, महाराजगञ्ज पुगेर खोप लगाएका हुन् भने गृहमन्त्री थापाले सशस्त्र प्रहरी अस्पताल बलम्बुमा खोप लगाएका छन् ।

प्रधानमन्त्री ओलीले खोप लगाएपछि दोस्रो चरणको खोप अभियान पनि औपचारिकरुपमा सुरु भएको छ। यता प्रधानमन्त्रीसँग शिक्षण अस्पतालमा अर्थमन्त्री विष्णु पौडेल, परराष्ट्रमन्त्री प्रदीप ज्ञवाली र स्वास्थ्यमन्त्री हृदयस त्रिपाठीलगायतले पनि खोप लगाएका छन्।

दोस्रो चरणको यो अभियान अन्तर्गत देशभरका १५ हिमाली जिल्लामा ५५ वर्ष माथिकालाई र अन्य जिल्लामा ६५ वर्ष माथिकालाई खोप लगाइनेछ। यसपटक करिब १६ लाखले खोप लगाउने स्वास्थ्य मन्त्रालयको अनुमान छ ।