यसरी सजिलै घरमा बनाउनुस् स्वादिष्ठ आलुको बर्फी (विधिसहित)

तपाईंलाई नौलो मिठाइ खान मन छ ? त्यसोभए आलुको बर्फी बनाएर खानुस् न । यहाँ हामी विधि सिकाउँछौं ।

सामग्री
चारवटा आलु (उम्लेको)
एक कप कोरेर झुरा पारेको नरिवल
आधा कप चिनी
दुई ठूला चम्चा घिउ
दुई ठूला चम्चा अलैंची धूलो
एक ठूलो चम्चा मसिनो गरी काटिएको पिस्ता र बदाम

Advertisement

विधि
सबभन्दा पहिले आलुलाई मिक्सरमा पिसेर पेस्ट बनाउनुस् ।

सानो आगोमा घिउ तताउनुस् ।

घिउ तातेपछि आलु हाल्नुस् र दुईतीन मिनेटसम्म भुट्नुस् ।

त्यसपछि चिनी हालेर मजाले मिक्स गर्नुस् ।

अब कोरेर झुरा पारेको नरिवल र अलैंचीको धूलो हालेर मिक्स गर्नुस् ।

अब एउटा गहिरो थालमा घिउ दलेर माथि बनाएको पेस्ट हालेर समतल बनाउनुस् । त्यसमाथि पिस्ता र बदाम छरेर सेट हुनका लागि छोडिदिनुस् ।

पेस्ट जमेपछि चक्कु लिएर बर्फीको आकारमा काट्नुस्।

लौ, आलुको बर्फी तयार भयो।

थप जानकारीका लागि भिडियो हेर्नुहोस्