महाधिवेशन प्रतिनिधिमा डोलबहादुर खड्काको उम्मेदवारी

नेपाली कांग्रेसको १५औँ महाधिवेशनका लागि स्याङ्जा क्षेत्र नं. १ बाट डोलबहादुर खड्काले महाधिवेशन प्रतिनिधिमा उम्मेदवारी प्रस्तुत गरेका छन्। क्षेत्र नं. १ का क्षेत्रीय प्रतिनिधि, वडा सभापति तथा पालिका सभापतिलाई सम्बोधन गर्दै खड्काले आफूलाई अमूल्य मत प्रदानगर्न आग्रह गरेका हुन्।

कांग्रेसको संगठन र राजनीतिमा लामो समयदेखि सक्रिय खड्का स्याङ्जामा मात्र नभई देशभरका कांग्रेसजनमाझ परिचित नेताका रूपमा चिनिन्छन्। पार्टीको केन्द्रीय राजनीतिमा समेत प्रभाव पार्न सक्ने नेताका रूपमा उनको भूमिका र सक्रियतालाई कांग्रेस वृत्तमा महत्वका साथ हेरिँदै आएको छ।

Advertisement

उम्मेदवारी प्रस्तुत गर्दै खड्काले पार्टी संगठनलाई थप मजबुत बनाउने र कांग्रेसको राजनीतिक यात्रामा सक्रिय भूमिका निर्वाहगर्ने प्रतिबद्धता व्यक्त गरेका छन्। उनले भनेका छन्, “म डोलबहादुर खड्का महाधिवेशन प्रतिनिधिका लागि उम्मेदवारी प्रस्तुत गरेको छु। यहाँहरूको अमूल्यमतका लागि विशेष अनुरोध गर्दछु।”