देउवा र पौडेल पक्षबीच सहमति, भदौ १८ गते देशैभर वडा अधिवेशन गर्ने

काठमाडौँ । नेपाली काङ्ग्रेसले भदौ १८ गते देशैभर वडा अधिवेशन गर्ने गरि नेताहरु बीच सहमति जुटेको छ।

सभापति शेरबहादुर देउवा र वरिष्ठ नेता रामचन्द्र पौडेलबीच छलफल भएपछि कृयाशिल सदस्यका विवाद समाधान गर्दै नामावली सार्वजनिक गर्ने, जिल्ला सभापति र युवा नेताहरू राखेका माग सम्बोधन गर्दै रिले अनसन तोडाउने र महाधिवेशनको वातावरण तयार गर्ने समझदारी बनेको हो नेता प्रकाशमान सिंहले जानकारी दिएका छन्।

Advertisement

सभापति देउवासङ्ग कुराकानी गरेपछि पौडेल पक्षले आज आफुनिकटका नेता र जिल्ला सभापतिहरुसङ्ग कांग्रेस पुर्ब महामन्त्री प्रकाशमान सिंहको निवास चाकसिबारिमा छलफल गरेका थिए।

देशभरका छ हजार सात सय ४३ वडामै एकैदिन अधिवेशन गर्ने समझदारी भएको नेता प्रकाशमान सिंहले बैठक पछि जानकारी दिए । उनका अनुसार जिल्ला सभापतिहरुले राखेका माग पनि सुनुवाइ गर्ने समझदारी बनेको छ।

जिल्ला सभापतिहरुले निर्वाचन निर्देशिका संशोधन र कृयाशिलको नाम सार्वजनिक गर्न माग गरेका थिए। ४८ जिल्लाका कृयाशिलको नाम सार्वजनिक भएको र अरु जिल्लाको एक-दुई दिनभित्र सार्वजनिक गरिसक्ने तयारी छ।

एकमात्र निर्वाचन क्षेत्र रहेका ३५ जिल्लामा पनि विधान अनुसार नै हुने गरि जिल्ला सभापतिको उम्मेदवार बन्न पाइनेछ। क्षेत्रीय प्रतिनिधि पनि महाधिवेशन प्रतिनिधि र महासमिति सदस्य उठ्न पाउने बिषयमा सहति जुटेको छ।

साथै नेता सिंहले अब पार्टीभित्र नयाँ उसाहका साथ अधिवेशन केन्द्रित हुने वातावरण बनेकाले सबैलाई महाधिवेशनमा केन्द्रीय रहन समेत आग्रह गरेका छन्।