नेपालमा थप ८ हजार ५२० जनामा कोरोना संक्रमण पुष्टि

✍️ नयाँपुस्ता डटकम ३१ बैशाख २०७८, शुक्रबार १८:२६

काठमाडौँ । नेपालमा पछिल्लो २४ घण्टामा थप ८ हजार ५२० जनामा संक्रमण पुष्टि भएको छ।

२१ हजार ४७८ जनाको परीक्षण गर्दा पीसीआर विधिबाट ८४६७ तथा एन्टीजेन विधिबाट ५३ जनामा संक्रमण पुष्टि भएको हो।

योसँगै नेपालमा कूल संक्रमितको संख्या ४ लाख ३९ हजार ६५८ पुगेको छ । त्यस्तै, सक्रिय संक्रमितको संख्या १ लाख ७ हजार ३३६ रहेको छ।

यही अवधिमा ६ हजार १३५ जना निको भएका छन्। नेपालमा संक्रमितमध्ये ३ लाख २ठ हजार ६५३ निको भएका छन्।

त्यस्तै पछिल्लो २४ घण्टामा थप २ सय ३ जनाको ज्यान गएको छ। नेपालमा हालसम्म कोभिड–१९ को संक्रमणबाट ४ हजार ६६९ जनाको मृत्यु भएको छ।

त्यस्तै काठमाडौँ उपत्यकामा मात्रै पछिल्लो २४ घण्टामा ३ हजार ३४९ जनामा कोरोना संक्रमण पुष्टि भएको छ।

विभिन्न प्रयोगशालाहरुमा पीसीआर विधिबाट गरिएको परीक्षणका क्रममा उपत्यकाका तीन जिल्लामा गरी ३ हजार ३४९ संक्रमित थपिएका हुन्।

आज थपिएका संक्रमितमध्ये सबैभन्दा बढी काठमाडौँ जिल्लाका २ हजार ४५८ छन्। यस्तै, ललितपुरमा ५५६ र भक्तपुर जिल्लामा ३३५ जना संक्रमित थपिएका स्वास्थ्य तथा जनसंख्या मन्त्रालयले जानकारी दिएको छ।