विद्युत प्राधिकरणको कार्यकारी निर्देशकमा हितेन्द्रदेव शाक्य नियुक्त

काठमाडौँ । सरकारले नेपाल विद्युत प्राधिकरणको कार्यकारी निर्देशकमा हितेन्द्रदेव शाक्यलाई नियुक्त गरेको छ।

सोमबार बसेको मन्त्रीपरिषद बैठकले प्राधिकरणमा निमित्त कार्यकारी निर्देशक रहेका शाक्यलाई कार्यकारी निर्देशकको जिम्मेवारी दिने निर्णय गरेको प्राधिकरा स्रोतले जनाएको छ ।

Advertisement

यसअघि प्राधिकारणको कार्यकारी निर्देशकमा कुलमान घिसिङ थिए। उनको कार्यकाल सकिएपछि शाक्यलाई निमित्त कार्यकारी निर्देशक तोकिएको थियो।

जनमानसबाट कुलमान घिसिङलाई पुनः नियुक्ति गर्न दबाब बढेपछि पर्ख र हेरको अवस्थामा रहेको सरकारले प्रधानमन्त्रीका विस्वासपात्र शाक्यलाई कार्यकारी निर्देशकमा नियुक्त गरेको हो ।