नेकपा विवादः गृहमन्त्री बादल अन्ततः प्रधानमन्त्री ओलीकै पक्षमा

✍️ नयाँपुस्ता डटकम ९ पुष २०७७, बिहीबार ०८:३९

काठमाडौँ । नेकपाको विभाजनमा सचिवालय सदस्य एवम् गृहमन्त्री रामबहादुर थापाले आफ्ना निकटवर्तीलाई आफूले प्रधानमन्त्री केपी शर्मा ओलीलाई साथ दिने निर्णयमा पुगेको जानकारी दिएको बताएका छन्।

उनीनिकट मानिने लुम्बिनी प्रदेशसभा सदस्य आईपी खरेलले बुधबार राति सामाजिक सञ्जाल फेसबुकमा लेखेका छन्, ‘बादलजी सम्बन्ध तोडिन्न, तपाईसँग सति जान सकिएन। तपाईँको प्रगति होस्।’

खरेलले बुधबार राति गृहमन्त्री थापाको सचिवालयबाट उनी प्रधानमन्त्री पक्षमा लागेको जानकारी आफूलाई दिइएपछि त्यस्तो लेखेको जनाएका छन्।

तर, अर्का नेता उपाध्यक्ष वामदेव गौतम भने दुवै पक्षमा देखिएका छैनन्। उनी निकट धेरै नेता भने ओली पक्षमा लागेको बताइएको छ।