नेपालमा थप १० हजार ५६ जनामा कोरोना संक्रमण पुष्टि

✍️ नयाँपुस्ता डटकम २४ मंसिर २०७७, बुधबार १६:३७

काठमाडौँ । नेपालमा पछिल्लो २४ घण्टामा थप १० हजार ५६ जनामा कोरोना संक्रमण पुष्टि भएको छ। ३८६ महिला र ६७० पुरुषसहित कूल १०५६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार पछिल्लो २४ घण्टामा ६ हजार २८६ जनाको कोरोना परीक्षण भएको थियो। यस्तै सो अवधिमा १४८३ जना संक्रमणमुक्त भएका छन् । यस्तै १४ जनाको मृत्यु समेत भएको छ।

यससँगै देशभर कोरोना संक्रमितको कुल संख्या २ लाख ४४ हजार ४३३ पुगेको छ भने निको हुनेको संख्या २ लाख ३० हजार ५३७ पुगेको छ । यस्तै देशभर सक्रिय संक्रमितको संख्या १२ हजार २४५ जना रहेका छन्।

मन्त्रालयका अनुसार हालसम्म १६५१ जनाले ज्यान समेत गुमाएका छन्।