बुटवलमा उपचाररत २ जना कोरोना संक्रमितको मृत्यु

रुपन्देही । बुटवलको कोरोना विशेष अस्पतालमा उपचार गराइरहेका  दुई संक्रमितको मृत्यु भएको छ।

नवलपरासीको सुनवल नगरपालिका–५ का ७६ वर्षीया वृद्धको र बुटवल उपमहानगरपालिका–९ का ५५ वर्षीया महिलाको बुधबार बिहान मृत्यु भएको अस्पताल प्रशासनले जनाएको छ।

Advertisement

गत शुक्रबार पीसीआर परीक्षण गर्दा कोरोना पोजेटिभ देखिएका नवलपरासीका ती वृद्धमा दम र उच्च रक्तचापको पनि समस्या रहेको अस्पताल स्रोतले जनाएको छ।

उनको बुधबार बिहान १२ बजेर ५० मिनेटमा मृत्यु भएको हो।

यस्तै, बुटवल–९ की ५५ वर्षीया महिला बुधबार बिहान साढे ५ बजे मृत्यु भएको छ।

सुख्खा खोकी र उच्च ज्वरोको समस्या देखिएकी ती महिलामा अरु कुनै समस्या नभएको बताइएको छ।