बाँकेमा कोरोना संक्रमणबाट एक कैदीबन्दीको मृत्यु

✍️ नयाँपुस्ता डटकम ५ आश्विन २०७७, सोमबार ०४:२९

बाँके । कोरोना भाइरस (कोभिड–१९) को संक्रमणबाट सुर्खेतका एक कैदीबन्दीको बाँकेमा मृत्यु भएको छ।

भेरी अस्पतालमा उपचाररत गुर्भाकोट नगरपालिका–४, सहारे निवासी ५८ बर्षीय पुरुषको आज बिहान ६:२५ मा मृत्यु भएको अस्पताल स्रोतले जनाएको छ।

ती पुरुषमा लामो समयदेखि दम र श्वास प्रश्वासको गम्भिर समस्या रहेको थियो।

योसँगै बाँकेमा कोरोना संक्रमणबाट मृत्यु हुनेको संख्या ११ पुगेको छ । जसमध्ये ४ जना जिल्ला बाहिरका हुन् ।

भदौ २२ गते कोरोना पुष्टि भएका उनी सुर्खेत कारागारमा कर्तव्य ज्यान मुद्दामा सजाय भोगिरहेका थिए।