पहिरोले अवरुद्ध नारायणगढ–मुग्लिन सडकखण्ड सुचारु

✍️ नयाँपुस्ता डटकम १ आश्विन २०७७, बिहीबार १४:३१

चितवन । पहिरो खसेर अवरुद्ध भएको नारायणगढ–मुग्लिन सडकखण्ड ११ बजेपछि सुचारु भएको छ ।

इच्छाकामना गाउँपालिका ६ स्थिति चारकिलो भन्ने स्थानमा बिहीबार विहान ४:३० बजे पहिरो खसेर सडक अबरुद्ध भएको थियो।

पहिरो पन्छाएपछि बिहान सवा ११ बजेपछि सडक दुईतर्फी नै खुलेको जिल्ला ट्राफिक प्रहरी कार्यालय चितवनले जानकारी दिएको छ ।

सो स्थानमा दिनहुँजसो पहिरो खसेर घण्टौं सडक अवरुद्ध हुँदै आएको छ। यसअघि बुधबार पनि चारकिलो र पाँचकिलोमा पहिरो खसेर सडक अबरुद्ध भएको थियो।