बैतडीमा पहिरो खस्यो, पुरिएर आमा-छोराको मृत्यु

✍️ नयाँपुस्ता डटकम २३ श्रावण २०७७, शुक्रबार १०:४३

बैतडी । बैतडीमा पहिरोमा पुरिएर दुई जनाको मृत्यु भएको छ।

मृत्यु हुनेमा डिलाशैनी गाउँपालिका–४ बलालीका ४० वर्षीया पशुपति बोहरा र उनीका १२ वर्षीय छोरा रिकेश रहेको जिल्ला प्रहरी कार्यालय बैतडीले जनाएको छ ।

प्रहरीका अनुसार, बिहीबार राति १२ बजेतिर घरमाथिबाट पहिरो खस्दा घरभित्रै सुतिरहेका आमाछोराको मृत्यु भएको हो । १६ वर्षीया सुजिता बोहरा र १२ वर्षीया सुनिता बोहराले भने भागेर ज्यान जोगाएका छन्।

घरभित्र पुरिएका दुवै जनाको शव निकालेर परीक्षणका लागि गोकुलेश्वर अस्पताल ल्याइन लागेको प्रहरीले जनाएको छ ।