काठमाडौं उपत्यकामा मात्रै १५ जनामा कोरोना संक्रमण पुष्टि

✍️ नयाँपुस्ता डटकम १४ श्रावण २०७७, बुधबार १७:०५

काठमाडौं । बुधबार काठमाडौं उपत्यकामा १५ जनामा कोरोना संक्रमण देखिएको छ ।

काठमाडौं जिल्लामा १४ र भक्तपुरमा १ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।

मन्त्रालयले काठमाडौंका संक्रमित कुन ठाउँका हुन् भन्ने खुलाएको छैन ।

मंगलबार काठमाडौं उपत्यकामा ५३ जनामा कोरोना संक्रमण देखिएको थियो ।

बुधबार देशभरमा २१० जनामा कोरोना संक्रमण देखिएको छ ।