साग पुरुष फुटबलः बंगलादेशलाई पराजित गर्दै नेपाल फाइनलमा

✍️ नयाँपुस्ता डटकम २२ मंसिर २०७६, आईतवार १९:२०

काठमाडौँ । १३औँ दक्षिण एसियाली खेलकुद प्रतियोगिता (साग) अन्तर्गत पुरुष फुटबलमा नेपाल फाइनल प्रवेश गरेको छ ।

आइतबार दशरथ रंगशालामा भएको सेमिफाइनलमा बंगलादेशलाई १-० गोलले हराउँदै नेपाल फाइनल प्रवेश गरेको हो ।

नेपालले पहिलो हाफमा नै गोल गरेर अग्रता बनाएको थियो। नेपालका लागि कप्तान सुजल श्रेष्ठको पासमा सुनिल बलले गोल गरे। उनले ११औँ मिनेटमा नेपाललाई अग्रता दिलाएका हुन् ।

अब नेपालले उपाधिका लागि मंगलबार भुटानसँग प्रतिस्पर्धा गर्नेछ।