![top Inside [Health Ministry]](https://nayapusta.com/wp-content/uploads/2025/05/Nepallife.gif)
खुमा अर्याल फाउन्डेसन स्याङ्जाले अर्जुनचौपारी गाउँपालिका १ मा रहेको पन्चकन्या माध्यमिक विद्यालयलाई २ सेट कम्प्युटर हस्तान्तरण गरेको छ । फाउन्डेसनले बिहिबार सो विद्यालयको ५१ औं वार्षिकोत्सब समारोहको अवसर पारेर २ सेट कम्प्युटर हस्तान्तरण गरेको हो ।
विद्यार्थीहरुलाई प्रविधीमैत्री शैक्षिक सिकाइका लागि सहायता प्रदान होस् भन्ने उद्देश्यले २ वटा मोनिटर, सिपियु, किबोर्ड र माउससहितका सामग्री हस्तान्तरण गरिएको फाउन्डेसनका अध्यक्ष लेखनाथ शर्माले बताए ।
Advertisement
कार्यक्रममा फाउन्डेसनका अध्यक्ष शर्मा सहित सचिव ध्रुव शर्मा, सहसचिव सागर पौडेल, शिक्षा विभाग विज्ञ सदस्य बन्दना लम्साल लगायतले सो सामग्री विद्यालयलाई हस्तान्तरण गरेका हुन ।
वार्षिकोत्सबको उद्घाटन अर्जुनचौपारी गाउँपालिकाका प्रमुख सेवक प्रकाश तिवारीले गरेका थिए भने पालिका उपाध्यक्ष सपना गुरुङ लगायतको उपस्थिति रहेको थियो।