एसिया कप : श्रीलङ्कालाई हराउँदै भारत फाइनलमा प्रवेश

✍️ नयाँपुस्ता डटकम २७ भाद्र २०८०, बुधबार ०९:२१

काठमाडौं । भारत एसिया कप क्रिकेटको फाइनलमा प्रवेश गरेको छ । मङ्गलवार कोलम्बोमा भएको ‘सुपर फोर’को खेलमा भारतले श्रीलङ्कालाई ४१ रनले हराउँदै फाइनलमा पुगेको हो।

भारतले दिएको २ सय १४ रनको सामान्य लक्ष्य पछ्याएको श्रीलङ्का ४१ ओभर ३ बलमा १ सय ७२ रनमा अल आउट भयो ।

भारतले अब सुपर फोरको अन्तिम खेलमा आगामी शुक्रवार बङ्गलादेशसँग खेल्नेछ। फाइनलमा पुग्ने अर्को टोलीको टुङ्गो बिहीवार हुने पाकिस्तान र श्रीलङ्काबीचको खेलबाट लाग्नेछ।

यो खेलमा जित्ने टोली फाइनलमा पुग्नेछ । यदि वर्षाका कारण खेल नभएमा श्रीलङ्का नेट रनरेटमा अघि रहँदै फाइनलमा पुग्नेछ । बङ्गलादेश भने दुवै खेल हार्दै बाहिरिसकेको छ । फाइनल खेल आइतवार हुनेछ