आईसीसी विश्वकप लिग टू : स्कटल्याण्डमाथि नेपालको कीर्तिमानी जित

काठमाडौं । घरेलु मैदानमा आयोजना भएको आईसीसी विश्वकप लिग टू अन्तर्गतको त्रिदेशीय एकदिवसीय अन्तराष्ट्रिय सिरिजमा नेपालले लगातार चौंथो जित निकालेको छ । टियु क्रिकेट मैदानमा मंगलबार सिरिजको अन्तिम खेलमा स्कटल्याण्डलाई २ विकेटले हराउँदै नेपालले लगातार चौंथो जित निकालेको हो ।

यससँगै नेपाल लिग टू अन्तर्गतको त्रिदेशीय सिरिजमा शतप्रतिशत नतिजा निकाल्ने पहिलो टोली बनेको छ । यस्तै नेपाल लिग टूको सिरिजमा स्कटल्याण्डलाई लगातार दुई खेलमा पराजित गर्ने पहिलो टोली बनेको छ ।

Advertisement

स्कटल्याण्डले दिएको २ सय १३ रनको लक्ष्य नेपालले ४४ ओभर १ बलमा ८ विकेट गुमाएर पूरा गर्यो । नेपालको जितमा कप्तान रोहित पौडेलले अविजित रहदै ९५ रनको शतकीय इनिङ खेले ।

त्यसअघि पहिले ब्याटिङ गरेको स्कटल्याण्डले ४६ ओभर १ बलमा अलआउट हुँदै २ सय १२ रन बनाएको थियो । स्कटल्याण्डका लागि आज जन्मदिन मनाईरहेका जर्ज मुन्शेले ५० बलमा ६० रनको अर्धशतकीय ईनिङ खेले ।

स्कटल्याण्डले दिएको २१३ रनको लक्ष्य नेपालले ४४.१ ओभरमा पूरा गरेको हो । १३८ रन हुँदा ८ विकेट गुमाएको नेपालका लागि करण केसी र रोहितकुमार पौडेलले नवौं विकेटका लागि कीर्तिमानी साझेदारी गरे ।

नेपालले २८ खेलमा २६ अंक भएको छ । नेपालले अर्को त्रिकोणात्मक शृंखलाका लागि यूएई जानेछ । त्यहाँ पपुवा न्युगिनी र यूएईसँग त्रिकोणात्मक शृंखला हुनेछ । फागुन १५ देखि २२ सम्म शृंखला हुनेछ ।