सरकार बनाउन प्रचण्डले राष्ट्रपति समक्ष गरे दाबी पेश

✍️ नयाँपुस्ता डटकम १० पुष २०७९, आईतवार १७:४८

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले संविधानको धारा ७६ (२) अन्तर्गतको प्रधानमन्त्रीमा दाबी पेश गरेका छन्।
शीतल निवास पुगेर प्रचण्डले १५४ सांसदको समर्थनको पत्र राष्ट्रपति विद्यादेवी भण्डारीलाई बुझाएका हुन् ।

एमालेका ७८, माओवादीका ३२, रास्वपाका २०, राप्रपाका १४, जनमतका ६ र जनमुक्तिका ४ सांसदले प्रचण्डलाई समर्थन गरेका छन् ।

जनता समाजवादी पार्टी (जसपा)का १२ सांसदले पनि प्रचण्डलाई सहमति गर्ने पक्का भइसकेको छ । तर, जसपाले संसदीय दलको नेता नचुनेकाले उसले पत्र दिएको छैन ।