कांग्रेस महामन्त्रीमा तीन डाक्टर पराजित

✍️ नयाँपुस्ता डटकम १ पुष २०७८, बिहीबार १८:५१

काठमाडौँ । कांग्रेस महामन्त्रीमा तीन डाक्टर पराजित भएका छन्। दुई महामन्त्रीका लागि २७ मंसिरमा भएको निर्वाचनको बिहीबार सार्वजनिक परिणामअनुसार तीन डाक्टर उम्मेदवार पराजित भएका हुन्।

महामन्त्रीमा उम्मेदवारी दिएका तीन डाक्टरमा डा प्रकाशशरण महत, डा मिनेन्द्र रिजाल र डा राजाराम कार्की पराजित भएका कांग्रेस केन्द्रीय निर्वाचन समिति संयोजक गोपालकृष्ण घिमिरेले जानकारी दिए।

उनका अनुसार महतले एक हजार ५५६, रिजालले ८०९ र कार्कीले १०६ मत ल्याएर पराजित भएका हुन् । उनीहरूसँगै प्रदीप पौडेल पनि एक हजार ३९३ मत ल्याएर महामन्त्रीमा पराजित भए ।

महामन्त्रीमा गगनकुमार थापाले तीन हजार २३ मत र विश्वप्रकाश शर्माले एक हजार ९८४ मत ल्याएर निर्वाचित भएका छन् ।

संयोजक घिमिरेका अनुसार निर्वाचनमा कुल चार हजार ६८२ मत खसेकोमा ४३ मत बदर भएको छ ।