पूर्व राजदूत एवम् डाबर नेपाल प्रमुख राणाको निधन

काठमाडौं । भारतका लागि पूर्वनेपाली राजदूत रुक्मशमशेर राणाको निधन भएको छ।

काठमाडौंको बत्तिसपुतलिस्थित निवासमा उनको शनिबार बिहान निधन भएको हो। राणा सन् २००९ देखि २०११ सम्म भारतका लागि नेपाली राजदूत भएका थिए ।

Advertisement

राणाले राष्ट्रिय खेलकुद परिषद्को दुई कार्यकाल सदस्यसचिवको जिम्मेवारीसमेत निर्वाह गरेका थिए ।

उनको जन्म सन १९३६ मार्च १२ मा भएको थियो। उनी भारतीय संयुक्त लगानीमा स्थापित डाबर नेपालका साझेदार एवं प्रबन्ध निर्देशक समेत हुन् ।

राणाको आइतबार दाहसंस्कार गरिने उनका ज्वाइँ अनिलकेशरी शाहले जानकारी दिए।