नेपालमा थप ५ हजार ४२ जना कोरोना संक्रमित थपिए, ८ हजार बढी निको

काठमाडौँ । पछिल्लो २४ घण्टामा नेपालमा थप ५ हजार ४२ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न ठाउँमा गरिएको पीसीआर तथा एन्टिजेन परीक्षणका क्रममा थप ५ हजार ४२ जनामा कोरोना संक्रमण पुष्टि भएको हो ।

Advertisement

देशभरका प्रयोगशालाहरुमा गरी ११ हजार ४७१ जनाका आरटी–पीसीआर विधिबाट नमूना परीक्षण गरिएको थियो। पीसीआर विधिबाट गरिएको परीक्षणका क्रममा ३ हजा ५४० जनामा संक्रमण पुष्टि भएको हो।

त्यस्तै सोही अवधिमा देशका विभिन्न ठाउँमा गरी ५ हजा ३४३ जनाको एन्टिजेन परीक्षण गरिएको मन्त्रालयले जानकारी दिएको छ। एन्टिजेन परीक्षणका क्रममा १ हजार ५०२ जनामा संक्रमण पुष्टि भएको हो।

त्यस्तै पछिल्लो २४ घण्टामा ८ हजार २४३ जना कोरोना संक्रमण मुक्त भएका छन् । यो सँगै नेपालमा कोरोना निको हुनेको कुल संख्या ४ लाख ८४ हजार ३७३ पुगेको छ।

यस्तै सोही अवधिमा ६८ जनाले ज्यान गुमाएको मन्त्रालयले जनाएको छ। यससँगै नेपालमा कोरोना संक्रमणबाट मृत्यु हुनेको संख्या सात हजार ७९९ पुगेको छ।