माघ ११ गते विवाह बन्धनमा बाधिँदै मुख्यमन्त्री राई

✍️ नयाँपुस्ता डटकम २ माघ २०७७, शुक्रबार १९:०१

काठमाडौँ । प्रदेश १ का मुख्यमन्त्री शेरधन राईको यहि माघ ११ गते विवाह हुने भएको छ। मुख्यमन्त्री राईको अमेरिकामा बस्दै आएकी नेपाली शेर्पा थरकी युवतीसँग विवाह हुने भएको हो।

विवाह काठमाडौंमा हुने र विवाह लगत्तै विराटनगरमा प्रितिभोजको कार्यक्रम हुने बताइएको छ। मुख्यमन्त्री राईको विवाह कहिले होला भन्ने कुरा आमजनता र सञ्चारमाध्यमका लागि एउटा चासोको विषय थियो।

प्रत्येक अन्तर्वार्तामा राईमाथि विवाहबारे प्रश्न गरिएकै हुन्थ्यो । अब भने मुख्यमन्त्री राईले यो प्रश्नबाट छुटकरा पाउने भएका छन् ।