हुम्ला विमानस्थलका कर्मचारी बस्ने घरमा आगलागी

✍️ नयाँपुस्ता डटकम १८ मंसिर २०७७, बिहीबार ०७:३५

हुम्ला । हुम्लाको सदरमुकाम सिमकोटस्थित सिमकोट विमानस्थलको कार्यालय प्रमुखलगायतका कर्मचारी बस्ने घरमा आगलागी भएको छ।

आज बिहान ४ बजेतिर विमानस्थल प्रमुख बस्ने घरको पछाडि रहेको विद्युत तारबाट आगलागी भएको हुनसक्ने अनुमान गरिएको छ।

आगोले कार्यालय प्रमुख बस्ने कोठा पूर्णरूपमा जलेर नष्ट भएको छ। आगो निभाउन नेपाली सेना, सशस्त्र प्रहरी, नेपाल प्रहरी र सदरमुकाम सिमकोटका स्थानीय बासिन्दा लागि परेका छन्।