कोरोना उपचार कोषमा क्रिकेटर सन्दिपको एक लाख सहयोग

✍️ Nayapusta Desk १३ चैत्र २०७६, बिहीबार २१:०७

काठमाडौं । क्रिकेटर सन्दीप लामिछानले ‘कोरोना भाइरस संक्रमण रोकथाम, नियन्त्रण तथा उपचार कोष’मा एक लाख रुपैयाँ योगदान गर्ने बताएका छन् ।

उनले बिहिबार साँझ सामाजिक सञ्जालमार्फत कोषमा एक लाख रुपैयाँ जम्मा गर्ने घोषणा गरेका हुन् । उनले विपतको घडीमा सहयोग तथा माया चाहिएकाहरुलाई नभुल्न र आफू पनि सुरक्षित रहन सबैलाई अपील समेत गरेका छन् ।

नेपाल सरकारले हालै मात्र कोरोना भाइरस रोकथामका लागि केन्द्रीय कोषको निर्माण गरेको छ । जसमा रकम जम्मा हुने क्रम जारी छ ।