आजबाट एनआरएनएको ९औँ विश्व सम्मेलन सुरु

✍️ नयाँपुस्ता डटकम २८ आश्विन २०७६, मंगलवार ०५:४८

चाबहिल, काठमाडौँ । आजबाट नवौं गैरआवासीय नेपाली संघ (एनआरएनए) को विश्व सम्मेलन तथा गैरआवासीय नेपाली संघको अन्तर्राष्ट्रिय महाधिवेशन सुरु हुँदैछ ।

यस वर्षको विश्व सम्मेलन पनि विगतमा झैं नेपाल सरकार नेपाल उद्धोग वाणिज्य महासंघ र गैरआवासीय नेपाली संघको संयुक्त आयोजनामा हुने भएको हो ।

यस वर्ष एनआरएनएको विश्व सम्मेलन म, मेरो एनआरएनए, र मेरो नेपाल नारासहित हुँदै छ । सम्मेलनमा नेपाल सरकार यहाँका राजनैतिक दल एवं नागरिक समाजको उच्चस्तरीय सहभागीता रहने छ ।

यही विश्व सम्मेलनकै समयमा संघको अन्तर्राष्ट्रिय महाधिवेशन सम्पन्न हुने छ । उक्त महाधिवेशनमा संघको विधान अन्तर्राष्ट्रिय समन्वय परिषद्को प्रतिवेदन, लेखा परिक्षण प्रतिवेदन लगायत संघ संग सम्बन्धित विविध विषयहरुमा छलफल भई भावी कार्यनीतिको तर्जुमा गरिने आयोजक सहितिले जनाएको छ । महाधिवेशनमा नै नयाँ कार्यकालको लागि संघका अध्यक्ष लगायत अन्य पदाधिकारीहरुको निर्वाचन समेत हुने छ ।

हालसम्म एनआरएनएको अध्यक्षमा बर्तमान उपाध्यक्ष कुल आचार्य र कुमार पन्तले उम्मेद्वारी नै घोषणा गरेका छन् ।