सिरहाको ठाढीमा बम विस्फोट, २ जना घाईते

✍️ नयाँपुस्ता डटकम २३ मंसिर २०७५, आईतवार १५:४६

सिरहा । सिरहाको ठाढीमा बम बिस्फोट हुँदा दुईजना घाईते भएको छ ।

भारतसंग सिमा जोडिएको भगवानपुर गाँउपालिका बडा नं.४ ठाढीमा आज बम बिस्फोट हुँदा दुईजना घाइते भएको जिल्ला प्रहरी कार्यालय सिरहाले जनाएको छ ।

बिस्फोटमा स्थानिय ३० वर्षीय ओमप्रकाश यादव र २६ वर्षीय संजय यादव घाइते भएका छन् । घाइते दुवै जनालाई उपचारका लागि भारत तर्फ लगिएको छ।

गाउँको पुर्बी छेउमा रहेको बलान खोलामा शौच गर्न गएको बेला बेबारिसे अबस्थामा राखिएको झोलालाई उनीहरुले कोट्याउँदा विस्फोट भएको प्रहरीले जनाएको छ । बिस्फोटबारे अनुसन्धान भईरहेको प्रहरीले जनाएको छ ।