सोलुखुम्बुमा जीप दुर्घटना : सातजनाको मृत्यु , एकजना घाइते

✍️ नयाँपुस्ता डटकम १५ असार २०७५, शुक्रबार ०९:४३

साेलुखुम्बु – सोलुखुम्बुमा जीप दुर्घटना हुँदा सातजनाको ज्यान गएको छ । एकजना घाइते भएका छन् । काठमाडौंको लागि छुटेको ना १ ज १८६० नम्बरको जीप बिहान ८ बजे नेचासल्यान र तिम्लाको सिमानामा पर्ने बरडाँडामा दुर्घटना भएको प्रहरीले जनाएको छ ।

दुर्घटनामा ज्यान गुमाएकाहरुको पहिचान खुलेको छैन । घटनास्थलमा प्रहरी टोली पुग्दै छ । जीपमा ८ जना थिए । घटनाको थप विवरण आउन बाँकी छ ।