म्याग्दीको गलेश्वरमा ट्रयाक्टर दुर्घटना हुँदा २ जनाको मृत्यु

पोखरा । बेनी नगरपालिका–९ गलेश्वरमा आज ट्रयाक्टर दुर्घटना हुँदा आज दुई जनाको मृत्यु भएको छ।

गलेश्वरदेखि बेनी आउँदै गरेको ग १ त २५५८ नं. को ट्रयाक्टर गलेश्वरमा निर्माणाधीन बसपार्क नजिकैबाट कालीगण्डकी नदीमा खसेको थियो।

Advertisement

दुर्घटनामा गम्भीर घाइते भएका चालक रघुगंगा गाउँपालिका-३ का राम विक र ट्रयाक्टरमा रहेका बेनी नगरपालिका-९ गलेश्वरका गणेश कार्कीको उपचारका क्रममा जिल्ला अस्पताल बेनीमा मृत्यु भएको जिल्ला ट्राफिक प्रमुख शिवप्रसाद पाठकले जानकारी दिए।

तीव्रगतिका कारण दुर्घटना भएको प्रहरीको अनुमान छ।