पाणिनि आश्रमको तेस्रो अधिवेशन सम्पन्न, अध्यक्षमा पुन: शर्मा चयन

पाणिनि आश्रम पाणिनि संस्कृत गुरुकुलमको अध्यक्षमा पुन: चुडामणि शर्मा निर्वाचित भएका छन । स्याङ्जाको पुतलीबजार नगरपालिका १४ मा रहेको सो आश्रमको शनिबार सम्पन्न वार्षिक साधारण सभा तथा तेस्रो अधिवेशनले शर्मालाई पुन: अध्यक्षमा निर्वाचित गरेको हो । शर्मा आश्रमका संस्थापक अध्यक्ष समेत हुन् । यसैगरी, आश्रमको वरिष्ठ उपाध्यक्षमा विष्णु प्रसाद पौडेल, उपाध्यक्ष हरिप्रसाद पौडेल, कृष्ण गिरी, सचिव ऋषिराम शर्मा, सहसचिव उदयराज पौडेल, कोषाध्यक्ष हुमनाथ पौडेल चयन भएका छन् ।

यस्तै, समितिका सदस्यहरुमा आनन्द शर्मा पौडेल, कमला पौडेल, दिनेश हमाल, नानुमैंया आचार्य, प्रशान्त ढकाल,श्री कृष्ण गिरी,मोहन आचार्य, भीमा दर्जी, सीता पुरी, सन्तोष भण्डारी, उषा थापा र दुर्गा पौडेल चयन भएका छन । २ जना सदस्य भने पछि मनोनित हुनेछन ।

Advertisement

नव निर्वाचित कार्यसमितिका पदाधिकारी र सदस्यहरूले सोमबार पदभार ग्रहण गरेका छन् । नवनिर्वाचित कार्यसमितिलाई ध्रुव बन्धु पौडेल संयोजकत्वको निर्वाचन समितिले चयन गरेको हो । निर्वाचन समितिका सदस्यहरुमा रविन के सि र हिमलालपुरी रहेका थिए । वि.सं.२०७० सालमा स्थापना गरिएको सो आश्रममा अहिले २० जना बटुकहरु अध्ययन गर्दै आएका छन् ।