स्याङ्जाकी सुनिता थापा कांग्रेसबाट गण्डकी प्रदेशसभा सदस्यमा मनोनीत

काठमाडाैं | नेपाली कांग्रेसले निर्वाचन आयोगमा बुझाएको समानुपातिकको बन्दसूचीको क्रम संख्या १९ मा आदिवासी जनजाति समूह महिलातर्फ समावेशी समूहभित्रको प्राथमिकता क्रम संख्या ५ मा नाम रहेकी स्याङ्जाकी सुनिता थापालाई गण्डकी प्रदेशसभा सदस्यमा मनोनित गरेको छ ।

कांग्रेस केन्द्रीय कार्यसम्पादन समितिको सोमबार बसेको बैठकले २०७९ सालको प्रदेशसभा सदस्य निर्वाचनमा पार्टीको तर्फबाट गण्डकी प्रदेशसभा सदस्यमा निर्वाचित विमला गौचनको गत कात्तिक २८ गते निधन भई रिक्त भएको उक्त पदमा थापालाई मनोनित गर्ने निर्णय गरेको हो ।

Advertisement

सभापति शेरबहादुर देउवाले विधानबमोजिम केन्द्रीय सदस्य उमेश श्रेष्ठलाई केन्द्रीय कोषाध्यक्ष पदमा गरेको मनोनयनलाई समेत बैठकले अनुमोदन गरेको मुख्यसचिव कृष्णप्रसाद पौडेलले जानकारी दिए ।

बैठकले नेपाल तरूण दलको विधान, २०१० (संशोधनसहित) (सातौं संशोधन २०८१/०६/०६) र नेपाल किसान महासंघको विधान, २००८ (संशोधनसहित) (सातौं संशोधन २०८१)लाई परिमार्जनसहित पारित गरेको छ ।