केमिकल बोकेको ट्रकमा एक्कासी आगलागी

✍️ नयाँपुस्ता डटकम ११ बैशाख २०८१, मंगलवार १३:४०

काठमाडौं । पृथ्वी राजमार्ग अन्तर्गत धादिङको गजुरी गाउँपालिका–६ बन्छेटारमा केमिकल बोकेको ट्रककमा आगलागी भएको छ।

रुपन्देहीको सुनौलीबाट औषधिमा प्रयोग हुने केमिकल बोकेर काठमाडौँतर्फ आइरहेको ना४ख ८६१७ नम्बरको ट्रकमा आज बिहान एक्कासी आगलागी भएको हो।

गुड्दा गुड्दै एक्कासी सल्किएको आगो नियन्त्रणमा आउन सकेको छैन । राजमार्गमा दुवैतर्फको सवारी आवागमन रोकिएको छ ।

धुनिवेसी नगरपालिकाबाट दमकल आउन ढिला भएकाले पनि आगो नियन्त्रणमा लिन कठिन भएको घटनास्थल पुगेका गजुरी गाउँपालिकाका अध्यक्ष गणेशलाल श्रेष्ठले बताए ।