मोरङमा धिमाल समुदायको सांस्कृतिक प्रदर्शनी, संस्कृतविद् र कलाकारहरु सम्मानित

उर्लाबारी । नेपाल सङ्गीत तथा नाट्य प्रज्ञा–प्रतिष्ठानको आयोजना र उर्नि तुन्जाई सांस्कृतिक मन्च, केन्द्रीय कार्यसमितिको सह–आयोजनामा मोरङको उर्लाबारी ३ स्थित धिमाल जातीय विकास केन्द्र केन्द्रीय कार्यालय परियोजना स्थलमा प्रदर्शन भएको हो ।

कार्यक्रममा धिमालको संस्कार र संस्कृतिबारे उजागर तथा संरक्षण सम्बर्द्धनमा उल्लेखनीय योगदान गरेका तथा गर्दैआएका संस्कृति विद् र कलाकारहरु कविन्द्र धिमाल, चन्द्रकान्त धिमाल, हरि धिमाल, अम्बर धिमाल, गोलान्धर धिमाल, धनबहादुर धिमाल र टेकबहादुर धिमाल सम्मानित भएका छन् ।

Advertisement

धिमाल समुदायको परम्परागत पुख्र्यौली जन्मदेखि मृत्युुसम्म गरिने सांस्कृतिक प्रदर्शनी कार्यक्रम भएको थियो । धिमाल भाषा र कला–संस्कारमा केही मात्रामा भिन्नता रहेको छ । जे भएपनि हामी धिमाल जाती हौँ र सम्बन्धित निकायले पनि यसको लेखाजोखा राख्नु पर्ने माइपारिका अग्रज संस्कृत विद चन्द्रकान्त धिमाल बताउँछन् ।

“निकै अघि हाम्रो पालामा जन्म, विवाह र मृत्यु आफ्नै जातीय परम्परा र विधि अनुसार हुने गर्दथ्यो हालको समयसम्म आइपुग्दा हराउँदै गएको अवस्था छ” हामीले यस्ता कुरामा ध्यान नपुर्‍याउने हो भने जातीय अश्तित्व नै हराउने अनुसन्धान विद् कविन्द्र धिमाल बताउँछन् ।

हरेक जातिले आफ्नो कला, संस्कार, संस्कृति र जातित्व जोगाउन आफै जागरुक हुन आवश्यक, बाह्रिय मुखि भएमा पहिचान हराउने भन्दै उर्लाबारी नगरपालिकाकी उप–प्रमुख मिना खतिवडाले नगरको पहिलो जाति भएकोले नगरले सक्ने साथ र सहयोग गर्ने प्रतिबद्धता व्यक्त गरिन् ।

नेपाल सङ्गीत तथा नाट्य प्रज्ञा–प्रतिष्ठानका प्राज्ञ डाक्टर किराँतीको सभापतित्व तथा उर्लाबारी नगरपालिकाकी उप–प्रमुख मिना खतिवडाको प्रमूख आथिथ्यतामा आयोजिक कार्यक्रममा विशिष्ट अतिथिमा सङ्गीत तथा नाट्य प्रज्ञा–प्रतिष्ठानका प्राज्ञ देवकुमार चौधरी, उर्लाबारी नगरपालिकाका–३ का वडाध्यक्ष भिष्मराज बुढाथोकी, धिमाल जातीय विकास केन्द्रका अध्यक्ष अम्बर बहादुर धिमाल र अतिथिमा नेपाल चलचित्र महासंघका अध्यक्ष अरुण प्रधान, कवि तथा साहित्यकार दिलिप सगर राई, धिमाल जातीय विकास केन्द्र केन्द्रीय सह–अध्यक्ष केदार धिमाल, उर्नि तुन्जाइ सांस्कृतिक मन्चका अध्यक्ष नरसिंह धिमाल, धिमाल जातीय विकास केन्द्रका महासभा सह–अध्यक्ष कविन्द्र धिमाल र बरिस्ठ कलाकार तुन्जाइ सांस्कृतिक मन्चका भुपु अध्यक्ष हरि धिमाल लगायत रहेका थिए । कार्यक्रम उर्नि तुन्जाइ सांस्कृतिक मन्चका सचिब भूमिराज धिमालले सञ्चालन गरेका थिए ।