यो सरकार कायम रहिरहे मुलुक टाट पल्टिन्छ : केपी ओली

✍️ नयाँपुस्ता डटकम १९ बैशाख २०८०, मंगलवार २०:१२

काठमाडौं। नेकपा एमालेका अध्यक्ष केपी शर्मा ओलीले वर्तमान सरकार कायमै रहे मुलुक टाट पल्टिने बताउनु भएको छ।

आज नेकपा एमाले काठमाडौं महानगर कमिटीले आयोजना गरेको एक कार्यक्रममा राष्ट्रिय तथ्यांक कार्यालयले हालै सार्वजनिक गरेको प्रतिवेदनको बारेमा उल्लेख गर्दै उहाँले मुलुकको अर्थतन्त्र पूर्ण रुपमा ओरालो लागेको बताउनु भएको हो ।

अबको डेढ वर्षमा रोक्न नसके मुलुक असफल राष्ट्र बन्ने खतरा रहेको समेत उहाँले बताउनुभयो।उहाँले पैसा नभएका कारण देशमा आयातमा कमी आएको देखिएकोतर्फ पनि सचेत गराउनु भयो ।

अर्थतन्त्र संकटमा भएकै कारण सरकारले स्थानीय तहमा जाने सम्पूरक बजेट ५० प्रतिशत कटौती गरेको पनि अध्यक्ष ओलीले बताउनुभयो।