थ्री नेसन्स कपः उपाधिका लागि नेपाल र लाओस भिड्ने

✍️ नयाँपुस्ता डटकम १४ चैत्र २०७९, मंगलवार २२:२०

काठमाडौं । प्रधानमन्त्री कप त्रिदेशीय फुटबल प्रतियोगिता अन्तर्गत नेपाल र भुटानको खेल बराबरीमा सकिएको छ।

मंगलबार साझ दशरथ रंगशालामा भएको खेलमा नेपालले भुटानविरूद्ध दोस्रो हाफको ९० औं मिनेटमा गोल फर्काएको हो । नेपालका लागि दिपक राज सिंह ठकुरीले गोल गरेका हुन‍्।

यसअघि भुटानले १९औं‌ मिनेटमा गोल गरेको थियो। १९औं मिनेटमा भुटानका खेलाडी तेन्जिङ नोर्बुले गोल गरेका थिए। यो बराबरीसँगै नेपाल फाइनलमा पुगेको छ भने भुटान बाहिरिएको छ।

उपाधिका लागि अब नेपाल र लाओसबीच यहि चैत्र १७ गते खेल हुनेछ।