राप्रपाले टुङ्गो लगायो मन्त्री, रिङ्गआउट भए नेपालगञ्जका राणा

राष्ट्रिय प्रजातन्त्र पार्टी (राप्रपा) ले सरकारमा सहभागी हुने मन्त्रीहरूको टुङ्गो लगाएको छ । प्रवक्ता मोहन श्रेष्ठले अध्यक्ष राजेन्द्र लिङ्देनको नेतृत्वमा पार्टी सरकारमा जाने निर्णय भएको जानकारी दिए ।

जसअनुसार लिङ्देन उपप्रधानमन्त्रीसहित ऊर्जा मन्त्री बन्ने भएका छन् । यस्तै, ध्रुवबहादुर प्रधान कानुन न्याय तथा संसदीय मामिला मन्त्री बन्ने भएका छन् भने विक्रम पाण्डे सहरी विकास मन्त्री बन्ने भएका छन् । दीपकबहादुर सिंह ऊर्जा राज्यमन्त्री बन्ने भएको श्रेष्ठले जानकारी दिए ।

Advertisement

यसअघि महामन्त्री धवलशमशेर राणा र पाण्डेबीच को मन्त्री हुने भन्ने विषयमा विवाद रहँदै आएको थियो । पछिल्लो समय अध्यक्ष लिङ्देनले राणालाई पछि सार्दै पाण्डेलाई मन्त्री बनाउने निर्णय गरेका हुन् ।