‘युके सिजनल भिषा’ आवेदनको मिति परिवर्तन भएको छैन: दुतावास

काठमाडौं l बेलायतमा सिजनल भिषाको मिति परिवर्तन सम्बन्धी झुटा सुचना फैलाइएको भन्दै बेलायतस्थित नेपाली दुतावासले त्यसको खण्डन गरेको छ । बेलायतस्थित नेपाली दुतावासको लेटर हेड, छाप र दस्तखतको अनधिकृत प्रयोग गरि पुस १८ गतेको मितिमा जारी सुचना झुटा भएको जनाएको छ।

सन् २०२२ का लागि अन्तवार्ताको मिति परिवर्तन भएको भनी दुतावासको लेटर हेड, छाप र दस्तखतको अनधिकृत प्रयोग गरी सामाजिक सञ्जालमा झुटा प्रचार गरिएको लण्डन स्थित दुतावासले स्पष्ट पारेको हो।

Advertisement

दूतावासले झुटो सूचनाका आधारमा भिषा आवेदन नगर्न समेत आवेदनकर्तालाई अनुरोध गरेको छ । सामाजिक सञ्जालको प्रचारका कारण आवेदनकर्ताहरु भ्रममा परेको भन्दै परराष्ट्र मन्त्रालयले यस्ता अनग्रल प्रचार सेयर नगर्न समेत अनुरोध गरेको छ । बेलायतमा विभिन्न कामका सिलसिलामा ६ महिनाका निम्ति नेपाली कामदार सिजनल भिषामा जाने गरेका छन्।