आज फेरि ह्वात्तै बढ्यो सुन, कति पुग्यो तोलाको ?

✍️ नयाँपुस्ता डटकम ६ पुष २०७९, बुधबार १२:२६

काठमाडौँ । आज साताको चौँथो दिन बुधबार नेपाली बजारमा सुनचाँदीको मूल्य महंगिएको छ। बुधबार छापावाला सुनको मूल्य प्रतितोला १ लाख १ हजार २ सय रुपैयाँ कायम भएको छ।

मंगलबार प्रति तोला १ लाख ४ सय रुपैयाँमा कारोबार भइरहेको छापावाला सुन आज ८ सयले बढेर प्रति तोला १ लाख १ हजार २ सय रुपैयाँमा कारोबार भईरहेको नेपाल सुनचाँदी व्यवसायी महासङ्घले जनाएको छ। तेजाबी सुनको मूल्य प्रतितोला रु १ लाख ७ सय रुपैयाँ कायम भएको छ।

यता, चाँदीको मूल्य प्रति तोला १ हजार ४ सय रुपैयाँ कायम भएको छ। चाँदी प्रति तोला २५ रुपैयाँले बढेको हो। मंगलबार चाँदीको मूल्य प्रति तोला १ हजार ३ सय ७५ रुपैयाँमा कारोबार भएको थियो।