आज ह्वात्तै बढ्यो सुन, कति पुग्यो तोलाको ?

काठमाडौँ । साताको तेस्रो दिन आज (मंगलबार) नेपाली बजारमा सुनको भाउ ह्वात्तै उकालो लागेको छ । आज सुन प्रतितोला १००० रुपैयाँले बढेको हो । आज छापावाल सुन प्रतितोला ९८ हजार २०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

महासंघका अनुसार आज तेजावी सुनको भाउ ९७ हजार ७०० रुपैयाँमा रहेको छ। हिजो छापावाल सुन प्रतितोला ९७ हजार २०० रुपैयाँ र तेजावी सुन प्रतितोला ९६ हजार ७०० रुपैयाँ रहेको थियो।

Advertisement

यस्तै, आज चाँदीको पनि भाउ बढेको छ । आज चाँदी तोलाको ३० रुपैयाँले बढेर प्रतितोला १ हजार ३२५ रुपैयाँमा कारोबार भइरहेको छ । हिजो चाँदी १ हजार २९५ रुपैयाँमा कारोबार भएको थियो।