आज झन् घट्यो सुन, कतिमा झर्‍यो तोलाको ?

✍️ नयाँपुस्ता डटकम ३ कार्तिक २०७९, बिहीबार ११:१८

काठमाडौँ । नेपाली बजारमा आज साताको पाँचौ दिन (बिहीबार) सुनको भाउ थोरै घटेको छ । बुधबार तोलामा २०० रुपैयाँले घटेको सुनको भाउ आज पनि तोलामा १०० रुपैयाँले घटेको हो ।

आज छापावाल सुन प्रतितोला ९३ हजार १०० र तेजावी सुन प्रतितोला ९२ हजार ७०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

बुधबार छापावाल सुन प्रतितोला ९३ हजार २ सय र तेजावी सुन प्रतितोला ९२ हजार ८०० रुपैयाँमा कारोबार भएको थियो ।

महासंघका अनुसार आज चाँदीको भाउ पनि घटेको छ । आज चाँदी प्रतितोला १ हजार १ सय ७० रुपैयाँमा कारोबार भइरहेको छ । बुधबारको तुलनामा आज चाँदी तोलामा ५ रुपैयाँले सस्तो हो ।