आज (बुधबार) ह्वात्तै घट्यो सुनको भाउ, चाँदी पनि घट्यो

काठमाडौँ । आज साताको चौँथो दिन अर्थात बुधबार नेपाली बजारमा सुनको भाउ ह्वात्तै घटेको छ ।

हिजो (मंगलबार) तोलामा ४ सय रुपैयाँले घटेको सुनको भाउ आज झन् घटेर प्रतितोला १५ सय रुपैयाँ सस्तो भएको नेपाल सुनचाँदी व्यवसायी महासंघले जनाएको छ ।

Advertisement

आज छापावाल सुन प्रतितोला १ लाख ६०० रुपैयाँमा कारोबार भइरहेको छ । मंगलबार सोही सुन १ लाख २ हजार १०० रुपैयाँमा कारोबार भएको थियो ।

यस्तै, आज तेजावी सुन पनि घटेको छ । आज तेजावी सुन प्रतितोला १ लाख एक सय रुपैयाँमा कारोबार भइरहेको छ ।

यसैगरी, आज चाँदीको भाउ पनि घटेको छ । आज चाँदी तोलामा ३५ रुपैयाँले घटेर तोलको १३ सय ८५ रुपैयाँ तोकिएको महासंघले जनाएको छ । चाँदी हिजो तोलाको १४ सय २० रुपैयाँमा कारोबार भएको थियो ।