साताको पहिलो दिन अर्थात आज (आइतबार) घट्यो की बढ्यो सुनको भाउ, हेर्नुहोस् कति पुग्यो तोलाको ?

काठमाडौँ । साताको पहिलो दिन अर्थात आज (आइतबार) नेपाली बजारमा सुनको भाउ स्थिर छ। लामो समयदेखि निरन्तर उकालो लागिरहेको सुनको भाउ आज भने स्थिर रहेको नेपाल सुनचाँदी व्यवसायी महासंघले नयाँ पुस्ता डटकमलाई जानकारी दिएको छ।

महासंघका अनुसार आज छापावाल सुनको मूल्य तोलाको १ लाख ९०० रुपैयाँ कायम भएको छ। शुक्रबार पनि छापावाल सुन यही मूल्यमा कारोबार भएको थियो।

Advertisement

यसैगरी, आज तेजावी सुनको भाउ पनि स्थिर छ। आज तेजावी सुन प्रतितोला १ लाख ४ हजार रुपैयाँ निर्धारण भएको छ। शुक्रबार पनि तेजावी सुन प्रतितोला १ लाख ४ हजार रुपैयाँमा कारोबार भएको थियो।

यस्तैगरी, सुनको भाउसँगै आज चाँदीको भाउ पनि स्थिर छ। शुक्रबार १ हजार ४०० रुपैयाँमा कारोबार भएको चाँदी आज पनि प्रतितोला १ हजार ४०० रुपैयाँमै कारोबार भइरहेको छ।

नेपाल सुनचाँदी व्यवसायी महासङ्घले अन्तर्राष्ट्रिय सुनचाँदीको कारोबार मूल्यका आधारमा दैनिक रुपमा सुन तथा चाँदीको कारोबार मूल्य तोक्दै आएको छ।