बढेको बढ्यै सुनको भाउ, आज कति पुग्यो तोलाका ?

✍️ नयाँपुस्ता डटकम १० फाल्गुन २०७८, मंगलवार १०:४८

काठमाडौँ । साताको तेस्रो दिन अर्थात आज (मंगलबार) नेपाली बजारमा सुनको भाउ फेरि उकालो लागेको छ ।

सोमबार एकै दिन तोलामा ४०० रुपैयाँले घटेको सुनको भाउ आज मंगलबार भने तोलामा ८०० रुपैयाँले बढेको नेपाल सुनचाँदी व्यवसायी महासंघले नयाँपुस्ता डटकमलाई जनाएको छ।

महासंघका अनुसार, आज छापावाल सुन प्रतितोला ९७ हजार रुपैयाँमा कारोबार भइरहेको छ। आइतबार छापावाल सुन प्रतितोला ९६ हजार २०० रुपैयाँमा कारोबार भएको थियो।

नेपाल सुनचाँदी व्यवसायी महासङ्घले अन्तर्राष्ट्रिय सुनचाँदीको कारोबार मूल्यका आधारमा दैनिक रुपमा सुन तथा चाँदीको कारोबार मूल्य तोक्दै आएको छ।

महासङ्घले सार्वजनिक गरेको तथ्याङ्कनुसार आज तेजाबी सुनको मूल्य पनि बढेको छ । आज तेजावी सुन प्रतितोला रु ९६ हजार ५ सय रुपैयाँमा कारोबार भइरहेको छ। सोमबार तेजाबी सुन प्रतितोला रु ९५ हजार ७ सय रुपैयाँमा कारोबार भएको थियो।

यस्तै, सुनको भाउसँगै आज चाँदीको भाउ पनि बढेको छ । महासङ्घका अनुसार आज चाँदीको मूल्य प्रतितोला रु १ हजार ३१५रुपैयाँमा कारोबार भइरहेको छ। सोमबार चाँदी प्रतितोला १ हजार ३०० रुपैयाँमा कारोबार भएको थियो। आज सुनको भाउ इतिहांसकै सबैभन्दा उच्च हो ।