फेरि बढ्यो पेट्रोलियम पदार्थको मूल्य, लिटरको कति ?

✍️ नयाँपुस्ता डटकम ७ फाल्गुन २०७८, शनिबार २१:२३

काठमाडौं । नेपाल आयल निगमले पेट्रोलियम पदार्थको मूल्य फेरि बढाएको छ ।

निगमले शनिबार राति १२ बजेदेखि लागू हुनेगरी पेट्रोल र डिजेल तथा मट्टितेलको साबिकको बिक्री मूल्यमा प्रति लिटर ३ रुपैयाँले वृद्धि गरेको हो ।

यससँगै पेट्रोलको खुद्रा बिक्री मूल्य १४५ र डिजेल र मट्टितेलको १२८ रुपैयाँ कायम भएको निगमले जनाएको छ ।

निगमका सहायक प्रवक्ता पुष्कर कार्कीकाअनुसार शनिबार रातिदेखि लागु भएको पेट्रोल, डिजेल र मट्टितेलकाे मूल्य हालसम्मकै उच्च हाे ।

यसअघि माघ १८ गते निगमले मूल्य बढाएको थियो ।