२४ घण्टामा ३८ करोडमा संक्रमण पुष्टि, ३० करोड निको, ५७ लाखको ज्यान गयो

काठमाडौं । विश्व स्वास्थ्य संगठनद्वारा हरेक दिन जारी गर्ने कोरोना अपडेटका अनुसार दैनिक संक्रमण दर र मृत्यु दर घटबढ भइरहेकाे देखाएको छ । पछिल्लाे २४ घण्टामा दैनिक संक्रमित र मृत्यु हुनेकाे संख्या बढिरहेकाे पाइएकाे छ ।

विश्व स्वास्थ्य संगठनले जारी गरेको गत २४ घण्टाको अपडेट अनुसार कोरोना भाइरस संक्रमणबाट एकैदिन ११ हजार ११ जनाको मृत्यु भएको छ । पछिल्लो २४ घण्टामा विश्वभर कोरोना संक्रमणबाट ११ हजार ११ को मृत्यु भएको हो।

Advertisement

त्यस्तै, विगत २४ घण्टामा विश्वभर २८ लाख ३२ हजार ९९८ जनामा कोरोना संक्रमण पुष्टि भएको विश्व स्वास्थ्य संगठनले जानकारी दिएको छ। विश्व स्वास्थ्य संगठनको तथ्यांक अनुसार हालसम्म ३८ करोड १७ लाख ६५ हजार ३१४ जनामा कोरोना संक्रमण भएको छ।

त्यस्तै, ३० करोड १५ लाख ५७ हजार ३०७ जना कोरोना संक्रमणबाट मुक्त भएका छन्। विश्व स्वास्थ्य संगठनले उपलब्ध गराएको पछिल्लो तत्थ्यांक अनुसार ५७ लाख ४ हजार ५४ जनाको कोरोना संक्रमणबाट ज्यान गइसकेको छ।